Pèrmit di konstrukshon

Ora bo ta bai konstruí òf rekonstruí algu bo tin mester di un pèrmit di konstrukshon. E unidat di pèrmit di Direktorado di Planifikashon i Desaroyo ta tuma pèrmit di konstrukshon den tratamentu i ta otorgá esakinan.

Kon bo ta hasi petishon pa un pèrmit di konstrukshon?
Pa medio di e boton ‘paso – stappen’ bo ta yega riba e página kaminda tin tur paso pa hasi petishon pa un pèrmit di konstrukshon. Tambe riba e página akí bo por download e formulario di petishon pa pèrmit di konstrukshon. E formulario akí bo por entregá den formato di hard copy na bali di Direktorado di Planifikashon i Desaroyo.

Kua ta e aneksonan ku bo tin ku entregá huntu ku bo petishon pa pèrmit di konstrukshon?
Tin diferente anekso ku bo tin ku agregá na bo petishon pa pèrmit di konstrukshon. Esakinan ta un pintura di e situashon, un plano (plattegrond), un sekshon (doorsnede), e fachadanan, e detayenan, e kalkulashonnan estadístiko den kaso di konstrukshon kompleho, e pinturanan di konstrukshon, e pinturanan di trabou i e pinturanan di ‘bestèk’. Pa medio di e boton ‘lista di chekeo – checklist’ bo ta yega riba e página ku un lista di chekeo i un splikashon amplio di tur e aneksonan.

 

Kuantu ta dura promé ku bo petishon ta den tratamentu?
Nos aspirashon ta pa finalisá tur petishon dentro di 16 siman despues ku nos risibí e petishon. Kolegio Ehekutivo por aplasá e desishon ku maksimalmente 8 siman.

Si e término (inkluso e término di aplasamentu) a pasa i ainda no a tuma desishon riba bo petishon, e ora ei bo por hasi opheshon kontra e rechaso pa duna un disposishon. Òf bo por entregá un apelashon na Korte di Promé Instansia. Wak e stipulashon akí den WarBES: https://wetten.overheid.nl/BWBR0028455/2018-08-01#Hoofdstuk1_Artikel3

E Lei VROM BES no tin un stipulashon kaminda tin pará ku ta otorgá e pèrmit konforme derecho (van rechtswege) si no tuma desishon na tempu tokante e petishon. Wak artíkulo 2.8 di e Lei VROM BES:  https://wetten.overheid.nl/BWBR0031218/2023-01-01#Hoofdstuk2_Artikel2.8

Den kaso ku sí ta duna e pèrmit konforme derecho (van rechtswege) ora ku no a tuma desishon na tempu tokante bo petishon, esaki eksplisitamente mester tin un base legal. Kompará por ehèmpel e Lei establesimentu di empresa BES: https://wetten.overheid.nl/BWBR0028164/2019-01-01#Artikel4b

Pèrmitnan di konstrukshon ku a keda publiká
Dia 06 di febrüari 2024 nos a publiká un anunsio den Antilliaans Dagblad i Èxtra Boneriano den kual nos ta referí na tur e petishonnan ku nos a risibí den novèmber 2023. Pa medio di e boton ‘publikashon’ bo por tira bista riba e pèrmitnan di konstrukshon akí.