Bo ke pidi informashon di gobièrnu? E ora ei bo por hasi un petishon di Wob. Ku un petishon di Wob, bo ta pidi pa hasi informashon públiko.
Kiko e produkto òf servisio aki ta nifiká?
Wak bon pa bo petishon di Wob ta kla i ta deskribí eksaktamente ki informashon bo ke risibí. Indiká mas konkreto posibel ta di ki dokumento òf tópiko ta trata. Si e petishon ta muchu general òf muchu vago, por rechasá esaki.
Un petishon di Wob ta e petishon pa haña informashon di un organisashon den gobièrnu.
Wob ta nifiká: Wet openbaarheid van bestuur / Lei Transparensia di Gobernashon.
Ku un petishon di Wob por pidi informashon tokante:
- maneho di gobièrnu
- preparashon di desishon
- ehekushon di maneho
Bo no tin nodi di bisa dikon bo ke e informashon.
Tur hende tin mag di hasi un petishon di Wob.
Ki ora bo por pidi esaki?
Bo petishon di Wob mester kumpli ku e kondishonnan akí:
- e petishon ta bai tokante algu ku ta responsabilidat di gobièrnu
- e informashon ta eksistí kaba
- gobièrnu tin e informashon akí
- bo petishon ta mas kla posibel i no muchu general
Por nenga un petishon di Wob si:
- ta pone seguridat na peliger
- ta bai pa informashon empresarial
- ta bai pa informashon personal
Organisashonnan di gobièrnu tin biaha tin ku balansá entre transparensia i otro interes.
Kon bo por pidi esaki?
Asina aki bo ta entregá un petishon di Wob:
- Bo ta skirbi bon kla ki informashon bo ke
- Bo ta manda bo petishon na e organisashon korekto di gobièrnu
- Bo ta indika kon bo ke risibí e informashon
- ku imeil
- komo kopia
- komo splikashon
E organisashon di gobièrnu ta tuma un desishon i manda bo un reakshon.
Ku ken bo por tuma kontakto?
Departamento di Asuntunan Hurídiko i General (JAZ)
Adrès: Kaya Industria Pariba 28
Telefòn: (+599) 717 5330
E-mail: apk@bonairegov.com
Orario di servisio
Djaluna te ku djabièrnè: 08:00 or – 12:00 or
Kuantu tempu e ta tuma?
E organisashon di gobièrnu ta disidí dentro di 4 siman.
Por prolongá e término akí ún biaha ku 4 siman.
Esaki yama un Wob aplasá.
Den kaso di un Wob aplasá, bo ta haña un notifikashon tokante esaki.
Den esaki tin dikon mas tempu ta nesesario.
E organisashon di gobièrnu no a reakshoná dentro di e di dos término tampoko? E ora ei gobièrnu ta lat.
E ora ei bo por:
- hasi opheshon pasobra gobièrnu no ta disidí na tempu
- pidi gobièrnu pa tuma un desishon ainda
No reakshoná no ta nifiká outomátikamente ku a aprobá bo petishon.
Abo mes tin ku tuma akshon.
Bo no ta di akuerdo ku e desishon?
Bo no ta di akuerdo ku e desishon? E ora ei bo por hasi un opheshon.
E organisashon di gobièrnu no ta reakshoná na tempu? E ora ei bo por apelá mesora.
Kiko nos ta hasi ku bo datonan personal?
Si bo entregá un petishon òf mèldu algu, Entidat Públiko Boneiru mester di bo dato personal. Entidat Públiko Boneiru ta atendé bo datonan di forma konfidensial.
Den e Lei Protekshon di dato personal BES tin skirbí kon Entidat Públiko Boneiru mester hasi esaki.
E reglanan mas prinsipal ta :
- Entidat Públiko Boneiru ta pidi solamente dato ku mester pa por atendé ku bo petishon òf pa atendé ku loke bo a mèldu.
- Nan ta registrá i prosesá bo datonan di forma seif, konfidenshal i kouteloso.
- Ta usa bo datonan solamente pa e petishon òf loke bo a mèldu, òf pa algu ku tin direktamente di aber ku esei.
- No ta warda bo datonan mas largu di loke ta nesesario pa e petishon òf loke bo a mèldu.
- Otro organisashon ta haña bo datonan solamente si esei mester segun lei.
- Bo por puntra pa kua fin ta usa bo datonan i kiko ta hasi ku nan.
