Presidente di Mesa di Klima Boneiru, sr. Reynolds (Nolly) Oleana, kordialmente ta invitá bo pa e konferensia di kick-off di Mesa di Klima Boneiru riba djaweps 20 di febrüari 2025 na Corallium Hotel & Villa’s Bonaire. E enkuentro akí ta inisio di un trayekto ambisioso pa huntu ku nos komunidat formulá un deklarashon di intenshon i un plan di klima ku sosten amplio pa Boneiru.
Mesa di Klima Boneiru ta trese habitantenan, empresanan i organisashonnan huntu pa pensa solushon pa e desafionan di kambio di klima ku ta oumentando. Durante e kick-off bo ta haña mas konosementu di e impakto di kambio di klima i di e manera ku huntu nos por hasi Boneiru sostenibel i resiliente.
Programa i oradornan
Durante e anochi inspirativo akí bo por skucha un seri di orador fasinante:
- Mensahe via video di Jaime de Bourbon de Parme, Enviado di Klima: Huntu nos ta mas fuerte pa Boneiru su futuro.
- Sr. Reynolds (Nolly) Oleana, presidente di Mesa di Klima Boneiru: Splikashon tokante proseso i struktura di e kòmbersashonnan di mesa di klima, inkluso importansia di e deklarashon di intenshon i e plan di klima.
- Sra. Pédzi Flores-Girigori, Hefe di Meteorologia Operashonal na Servisio Meteorológiko Kòrsou: Konosementu pa loke ta trata e impakto regional di kambio di klima.
- Sr. Arxen Alders i sr Maurice Adriaens, presentadó: E efektonan di kambio di klima na Boneiru i ehèmpel di inisiativanan ku ta andando.
- Sr. Sion Janga, representante di hóben: Vishon i enbolbimentu di hóbennan pa un Boneiru resiliente pa klima.
Banda di esaki un seshon interaktivo ta tuma lugá bou di guia di e grupo di proyekto Mesa di Klima Boneiru. Den e seshon akí nos ta invitá bo pa soña huntu ku nos tokante kon un Boneiru resiliente pa klima lo mester lusi na aña 2050.
Meta di Mesa di Klima Boneiru
A bini ku Mesa di Klima Boneiru pa huntu ku tur stakeholder formulá un deklarashon di intenshon ku sosten amplio i un plan di klima ehekutabel. E plan akí lo kontené un proposishon pa medidanan konkreto pa limitá e konsekuensianan di kambio di klima i pa protehá naturalesa i komunidat di Boneiru.
Detayenan di e enkuentro
- Fecha: Djaweps 20 di febrüari 2025
- Ora: 18:00 or - 20:00 or (drenta i tuma asiento for di 17:45 or)
- Sitio: Corallium Hotel & Villa’s Bonaire, Kaya International, Kralendijk
Registrá!
Kordialmente nos ta invitá bo pa ta presente i partisipá na e paso krusial akí pa Boneiru su futuro. Bo por registrá via info@klimaattafel-bonaire.com
Huntu nos ta edifiká un Boneiru resiliente i sostenibel!
