Partnernan den enseñansa ta traha huntu riba un solushon pa e falta di lugá den enseñansa. Tin un grupo di mucha den edat di skol básiko ku pa algun tempu kaba no ta haña enseñansa. E situashon akí pa basta tempu kaba tin atenshon di Entidat Públiko Boneiru.
Den kolaborashon ku e direktivanan di skol i Ministerio di Enseñansa, Kultura i Siensia, tin trabou ta tumando lugá pa logra un solushon, di manera ku e muchanan akí por bai skol mas pronto posibel. Nan ta buskando tantu un solushon di emergensia, komo un solushon struktural riba término largu.
Den forma kontinuo Entidat Públiko Boneiru ta hiba kòmbersashon di kontinuashon ku e direktivanan di skol, kaminda nan ta buskando diferente manera pa mas pronto posibel logra haña lugá na skol pa e muchanan ku ta na kas. Enfoke di nan trabou ta pa urgentemente realisá inskripshon na skol.
Ora mayornan no logra
Mayornan ku ta buskando skol ta legalmente responsabel pa aserká un skol pa inskribí nan yu pa enseñansa. Ora nan no logra, mayornan por méldu esaki via e emailadrès leerplicht@bonairegov.com. Mayornan ku ta buskando skol i ku ya kaba a mèldu esaki na Entidat Públiko Boneiru no tin mester di mèldu nan mes atrobe.
