Debí na un kiebro den matadero no por mata bestia den e próksimo simannan. Nan a hòrta e pistol di impakto ku kua nan ta ferdof e bestianan. Pa e motibu akí no ta posibel pa mata bestia na e manera korekto. Departamento Veterinario ta pidi bo komprenshon pa esaki.
Departamento Veterinario ta hasi un yamada na outor(nan) di e kiebro pa no keda ku e pistol di impakto i tres’é bèk. Ta prohibí pa tin e pistol di impakto den bo poder i esaki ta un violashon di Lei di Arma BES – Vuurwapenwet BES.
E kiebro a tuma lugá den e mardugá di 10 pa 11 di ougùstùs. E ladronnan a kousa un desaster den e edifisio. Departamento Veterinario ta hasi tur loke ta na su alkanse pa solushoná e problema mas rápido posibel. Esaki lo tuma sigur 2 pa 3 siman di tempu.
