Entidat Públiko Boneiru, huntu ku stakeholdernan manera TCB, BONHATA i IND ta bai wak kiko ta bai bon aktualmente i kiko por bai mas mihó ku kobransa di impuesto di turista. Ta bai analisá minusiosamente tur keho, opheshon i remarke ku a risibí durante e aña tras di lomba. Ta wak e ordenansa mes tambe, manera e tarifa di impuesto, e tempu ku e ta vigente i e kategorianan ku ta bini na remarke pa eksepshon di tarifa.
Diputado Jolinda Craane, kende ta responsabel pa turismo, ta pone énfasis riba importansia di un sistema di impuesto hustu i bon pensá: ‘E aña akí nos ta bolbe hasi uso di e puntonan di evaluashon di aña pasá. Ehekutabilidat efisiente ta un kriterio importante pa nos. Un ordenansa di impuesto mester ta ekilibrá i ehekutabel den práktika.’
Seguidamente lo proponé e rekomendashonnan di e komishon di evaluashon na Konseho Insular. Den luna di desèmber aña pasá Konseho Insular a desaprobá e kambionan anteriormente proponé na fin di aña 2022 komo insufisiente.
