Pòst ta entregá e karchi di vota na e adrès kaminda e votadó tabata inskribí dia 23 di aprel 2024 na departamento di Asuntu Sivil. Nan ta hinka e karchi di vota den brivenbùs serka e votadónan. Departamento di Asuntu Sivil ta pidi e votadónan pa sòru pa nan brivenbùs ta bon visibel pa e partidó di karta.
No a risibí e karchi di vota, el a pèrdè òf el a sufri daño: hasi petishon pa un karchi di vota remplasante
Votadónan ku riba djaweps 23 di mei 2024 no a risibí un karchi di vota ainda, ku a pèrdè e karchi di vota òf ku tin un karchi di vota ku tin daño na dje, por hasi petishon pa un karchi di vota remplasante. Por hasi esaki for di djabièrnè 24 di mei 2024 digitalmente òf personalmente:
Hasi petishon online
Por download e petishon pa un karchi di vota remplasante riba www.bonairestemt.com. Por manda e formulario yená te pa mas tardá 3 di yüni 2024 via email na verkiezingenbonaire@bonairegov.com. Por buska e karchi di vota remplasante te djárason 5 di yüni 2024 12:00 or na departamento di Asuntu Sivil, Kaya Neerlandia 40. E orario ta di djaluna te ku djaweps for di 08:00 or – 15:00 or. Ora di bai buska e karchi di vota remplasante, e votadó tin ku mustra un prueba di legitimashon bálido (pasport, reibeweis òf sédula).
Hasi petishon personalmente
E votadó por buska e formulario pa hasi petishon pa un karchi di vota remplasante na departamento di Registro Sivil, Kaya Neerlandia 40. E orarionan ta di djaluna te ku djaweps for di 08:00 or te 15:00 or. Na bali di Registro Sivil e votadó por pidi i buska un karchi di vota remplasante te djárason 5 di yüni, 12:00 or. Ora di bai buska e karchi di vota remplasante, tin ku mustra un prueba di legitimashon bálido (pasport, reibeweis òf sédula).
Pa mas informashon tokante elekshon pa Parlamento Oropeo, wak riba www.bonairestemt.com
