Ta trata aki di un fecha ku rònt mundu ta selebrá. Di diesun museo ku tin na Boneiru, seis Museo lo partisipá den un eksposishon públiko dia 18 di mei na TerraMar kuminsando for di 10or di mainta te ku 3or di atardi. Riba dia 19 di mei lo tin e mesun eksposishon aki di 9or di mainta te ku 3or di atardi. Lo tin e parti di klousura riba dia 20 di mei den kurá di SKAL di 6or di anochi pa 9or di anochi. Den esaki lo tin presentashonnan musikal manera entre otro kaha di òrgel, muzik ‘den seku’, interkambio di idea i un bríndis. Pa loke ta trata aña 2022 Internatiol Council Of Museums (ICOM) a stipulá komo tema pa e selebrashon “The power of Museums”. Na papiamentu “Poder di Museo.
Den kuadro di esaki SKAL – Museo Boneiru huntu ku TerraMar Museum, ta organisá tres dia di aktividat ront di e selebrashon di Dia Internashonal di Museo. Fechanan pa e aktividatnan ta 18, 19 i 20 di mei. Aktividatnan ku ta bai tin ta den forma di eksposishon di kua ta konta ku partisipashon di algun museonan di Boneiru.
Durante di e dianan 18 te ku 20 di mei públiko tin oportunidat pa bishita museonan di eskoho manera:
• TerraMar, Museo Boneiru ku tema; Konservá i Registrashon.
• Museo Mangasina di Rei / Kadimo ku tema; Dokumentashon i Fiestanan Kultural.
• Museo Washington Park ku tema; Herensia Kultural i Nos Patrimonio.
• Museo Chichi’ Tan ku tema; Dokumentashon i nos Kustumbernan Sosial.
• Museo FUHIKUBO ku tema; Konservashon di nos Archivonan Históriko i Kultural.
• Museo Mi Cuna ku tema; Kompartí Talento i Fishinan históriko.
• Museo Rooi Lamunchi ku tema; Muestra di un Kas di Plantashi su interior.
• Museo Tanki Maraka ku tema; Forsa Históriko di Defensa.
Punto importante di enfoke ta pa kada museo por demostrá su reflekshon i su motivashon edukativo pa e komunidat boneriano den forma di eksponé i duna splikashon di artefaktonan históriko.
Komunidat kompleto ta bon bini na e selebrashonnan.
