Bo konosé un hende ku segun bo meresé un Suidadania di Honor di gobièrnu? E ora ei proponé e persona akí! Riba Dia di Boneiru ta otorgá e Siudadania di Honor anual. Esaki ta é oportunidat pa gradisí hendenan pa nan dedikashon na nos komunidat. Den esaki méritonan i logronan personal ku un balor spesial pa nos komunidat ta para sentral.
Kondishonnan pa Suidadania di Honor
- Dedikashon spesial na Boneiru: Ta otorgá e suidadania di honor na personanan ku den un forma eksepshonal, inovador i duradero a dediká nan mes na Boneiru.
- Influensia riba Boneiru: E logronan mester tabatin un influensia berdadero riba bienestar, prosperidat òf fama di Boneiru. Esaki por ta riba tereno gubernamental, sosial, deportivo, kultural, karitativo, ekonómiko òf sientífiko.
- Residente i no-residente: Por otorgá siudadania di honor na residentenan aktual i anterior di Boneiru, pero tambe na no-residentenan ku ta kumpli ku e kondishonnan.
Kriterionan pa e Suidadano di Honor
- Por lo ménos 10 aña bibá na Boneiru: E nominado mester ta biba por lo ménos 10 aña sin interupshon na Boneiru.
- Edat: E nominado mester tin mas ku 45 aña.
- Komportashon ehemplar: E nominado mester ta disponé di un komportashon ehemplar.
- Kontribushon na komunidat: Banda di su trabou e nominado mester ta okupá su mes ku aktividatnan ku ta bon pa nos komunidat.
- Prueba di impakto: Mester tin prueba di e efektonan positivo di e aktividatnan akí riba nos komunidat.
- No póstumo: E nominado mester ta na bida.
Kon mi ta proponé un hende komo Suidadano di Honor?
Bo ke proponé un hende pa Suidadania di Honor? E ora ei yena e formulario di proposishon via e lenk akí. Mester entregá e formulario yená pa mas tardá 1 di ougùstùs 2024 via e wèpsait.
Riba e formulario bo ta menshoná e méritonan òf logronan spesial di e persona, inkluso e durashon di tempu di esakinan.
Método alternativo pa entregá e formulario
Si bo no por yena e formulario digitalmente, bo por dirigí bo proposishon na departamento di SKAL, na atenshon di Maria-guanela Rosinda-Sluis, Kaya Kachi Craane # 34, i entregá esaki na bali di departamento di SKAL. Ta trata bo proposishon konfidensialmente.
Mas informashon
Pa mas informashon tokante proposishon di un siudadano di honor, bo por tuma kontakto ku
Maria-Guanela Rosinda-Sluis via number di telefòn 715 - 5323 òf email: maria-guanela.sluis@bonairegov.com.
