Durante karnaval tambe Entidat Públiko Boneiru i GGD Bonaire / Salubridat Públiko ta komprometé nan mes pa salú di nos komunidat. Esaki nos ta hasi ku e kampaña Sali Seif. Sali Seif ta un kampaña pa hóbennan adulto tokante salimentu seif. Di e forma akí nos ke yuda nos hendenan selebrá karnaval na un manera seif i salú. Sali, disfrutá, protehá. Selebrá karnaval, pero kuida bo mes bon tambe.
Via Fundashon Klave, Salubridat Públiko (GGD Bonaire) a parti dòpi pa orea grátis pa e partisipantenan na e marcha. E tim di Sali Seif a entregá e dòpinan pa orea. Karnaval ta un fiesta ku dushi músika i zonido duru. Ku e dòpinan pa orea e partisipantenan por protehá nan orea kontra zonido duru.
Den e siman promé ku e marchanan, Salubridat Públiko (GGD Bonaire) ta duna informashon tambe tokante relashon i seksualidat. Durante e seshonnan di informashon akí nos ta papia tokante hasi eskoho konsiente i seif. Durante e kòmbersashonnan akí nos ta konta tambe tokante nos konsulta di salú seksual. Tur hende por akudí akinan ku pregunta tokante relashon, amor, seksualidat i antikonsepshon. Nos enfermera(o)nan ta alkansabel pa pregunta òf pa traha un sita via + 599 790 73 73.
Riba djadumingu 15 di febrüari 2026, Salubridat Públiko (GGD Bonaire) ta presente na Marcha Grandi na Playa. Einan nos ta parti ‘gadget’ pa públiko. Ku e ‘gadget’-nan akí nos ta pidi atenshon pa protekshon kontra solo i kalor, zonido duru i salú seksual. E ‘gadget’-nan tin un QR code ku ta referí na nos wèpsait ku mas informashon tokante e sitionan kaminda tin mashin di kondon na Boneiru i e sitionan kaminda nos ta tene konsulta tokante salú seksual.
Sitionan kaminda tin mashin di kondon na Boneiru > Openbaar Lichaam Bonaire: Kondon Kuné
