Kondon Kuné

Sali Seif

Atenshon pa protekshon: mashin di kondon i konsulta salú seksual di GGD Boneiru / Salubridat Públiko.


Mashin di kondon
Kondon Kuné! Ku un kondon, bo ta diberti pasa bon i na mesun momentu bo ta seif.  Sin strès tokante MTS (malesanan transmití seksualmente), òf embaraso no-deseá. Ku un kondon, bo por disfrutá i relahá sin preukupashon.

E kondonnan ta di e marka Balance i ta kosta $ 0,50 pa un. Nan ta kumpli ku e norma di kalidat oropeo. Pasa na e mashinnan di kondon i kumpra bo kondonnan anónimamente  pa $ 0,50 pa un!

Kon e mashin ta traha:
  1. Drai e kònòpi direkshon di bo kurpa te ora e stòp.
  2. Hinka e monedanan den e mashin.
  3. Drai e kònòpi direkshon di e muraya te ora ku e kondon kai.
Locatie Wijk Beschikbaar
WC públiko na Wilhelminaplein Playa 24/7
Damrick Carwash Playa 24/7
Toko Magdalena Rincon 24/7
Cozy Place Rincon 24/7
Kataleya Bar Antriol Ora e lugá ta habrí
88 Bar Antriol Ora e lugá ta habrí
Medical Center Cross Road Antriol Ora e lugá ta habrí
Baru Café Nikiboko Ora e lugá ta habrí
Sentro Médiko Sùit Tera Kòrá 24/7
Hang Out Beachbar Sorobon Ora e lugá ta habrí

Konsulta salú seksual di GGD Boneiru / Salubridat Públiko:

  • Pa un i tur ku tin pregunta tokante amor, sèks, relashon i antikonseptivo.
  • Tèst grátis i anónimo di malesanan transmití seksualmente ta disponibel.
  • Nos zùsternan ta papia Papiamentu, Hulandes, Spaño, i Ingles.
     
  • Bo por bishitá nos anónimo na vários lugá riba nos isla.
  • Nos ta traha di djaluna pa djabièrnè di 8:00 AM pa 5:00 PM.

Nos ta alkansabel via telefon i WhatsApp pa pregunta i pa hasi un sita: +599 790 73 73.