Entidat Públiko Boneiru ta informá ku temporalmente ta sera un parti di Kaya Soeur Bartola, na altura di hospital, relashoná ku trabounan di rekonstrukshon. Ta trata di e parti di kaya for di e santana te na Botika, dilanti di hòspital. E trabounan ta kuminsá riba djaluna 23 di mart 2026 pa 09:00 or i segun espektativa esaki lo dura mas òf ménos 8 siman.
Durante e trabounan e kaya ta keda aksesibel pa tráfiko di destinashon. Den kolaborashon ku Fundashon Mariadal ta sòru pa rutanan pa tráfiko i rutanan pa kana, di manera ku pashèntnan na un manera seif por keda ku akseso na Poli, hòspital i e pòst di dòkternan di kas. Durante e trabounan, akseso na hòspital ta garantisá.
Kaminda esaki ta nesesario, ta desviá tráfiko ku ayudo di bòrchi di tráfiko i hende ku ta regla tráfiko.
For di djaluna 18 di mei pa 07:00 or e parti di kaya akí lo ta kompletamente habrí atrobe pa tur tráfiko. Kordialmente nos ta supliká tur usuario di e kaya pa sigui e rutanan di desviashon indiká, i pa tene kuenta ku e rutanan temporal pa kana. Nos ta gradisí bo pa bo komprenshon i koperashon.
