Kralendijk – Entidat Públiko Boneiru ta invitá tur kapplug eksistente i nobo pa inskribí di nobo pa partisipashon na e trabounan pa aña 2026. Ku e ròndu di re-inskripshon akí, Entidat Públiko Boneiru ta introdusí un sistema di traha transparente pa uso di kapplug na nos isla.
Aserkamentu nobo pa aña 2026
For di aña 2026 nos ta kontratá e trabounan na vegetashon pa kada kuartal i nos ta repartí nan atraves di e kuater distritonan di Boneiru. E restrukturashon akí ta sòru pa un repartishon balansá di tarea, mas klaridat den ehekushon i un proseso di selekshon mas profeshonal.
Pa bini na remarke pa partisipashon, e kapplugnan tin ku registrá nan mes di nobo promé. Esaki ta garantisá un lista aktualisá di dunadó di servisio ku ta kumpli ku e eksigensianan minimal ku nos a stipulá.
Kriterionan pa inskripshon
Un kapplug por inskribí si e ta kumpli ku e siguiente kondishonnan:
· E ta inskribí na Kámara di Komèrsio (KdK)
· E ta disponé di sufisiente ekipo i personal pa hasi e trabou adekuadamente
· E ta disponé di un number di CRIB bálido di Servisio di Impuesto (belastingdienst)
Nos ta kontrolá e kondishonnan básiko akí durante e fase di evaluashon di e re-inskripshon.
Reunion di informashon i Inskripshon
Durante un reunion di informashon nos ta duna splikashon di e prosedura, e espektativanan i e reglanan. Entidat Públiko Boneiru ta invitá tur kapplug ku ta interesá pa partisipá na e reunion akí. Durante e reunion tin oportunidat pa registrá direktamente tambe i di e manera akí bini na remarke pa trabou den aña 2026. Ta di gran importansia pa ta presente na e seshon aki.
Fecha: 18 di desèmber 2025
Ora: 17:00 or - 19:30 or
Sitio: Plasa Chiku Goeloe
Despues di e seshon informativo, e formulario di inskripshon lo ta disponibel riba nos wèpsait: www.bonairegov.com.
Meta di e sistema nobo di traha
Ku e proseso renobá aki di selekshon i kontratashon, Entidat Públiko Boneiru ta boga pa:
· Un repartishon hustu i transparente di tarea
· Ehekushon konsistente i kualitativo di mantenshon di vegetashon
· Profeshonalisashon di e kolaborashon ku kapplugnan lokal
· Un bista general aktual i konfiabel di dunadónan di servisio na Boneiru
Kontakto
Pa pregunta òf informashon adishonal, bo por manda un email na directie_ro@bonairegov.com ku komo tópiko: ‘Re-inskripshon di kapplug 2026’.
