Entidat Públiko Boneiru, representá pa Programma Bureau Uitvoering Woondeal (PB-UW), pa medio di esaki ta anunsiá dos destaho koherente: prepará e área di eksplotashon Dawari pa konstrukshon i strukturashon, i emishon di e áreanan di desaroyo A, B i E den e área di Dawari. Nos ta publiká ámbos destaho na mes momentu. Partidonan di merkado por inskribí riba un òf tur dos parti.
Parti 1: Prepará pa konstrukshon i strukturashon
Ta pidi interesadonan pa hasi un oferta pa e área di eksplotashon Dawari pa prepará esaki pa konstrukshon i strukturashon. E trabounan di konstrukshon i strukturashon ta enserá: traha fundeshi pa kaminda inkluso roster pa bestia di mondi i otro fasilidatnan, traha kanal pa tuberia pa kabel, inkluso e tuberia bashí, traha nicho(nis), konstruí e kayanan definitivo i tur fasilidat ku ta korespondé na esakinan.
E trabounan di konstrukshon i strukturashon lo tuma lugá konforme e aserkamentu di desaroyo di área naturalesa-inklusivo. Esaki ta enserá entre otro ku no ta kita vegetashon balioso i ku ta fortifiká vegetashon pa medio di plantamentu nobo di espesienan lokal. Esaki ta nifiká ku kontrario ku loke hopi biaha ta pasa, den e kaso akí no tin eliminashon kompleto di vegetashon i otro opstákulonan. Ta hasi solamente e parti di e área ku ta bai usa pa kaminda òf pa konstrukshon liber. Esaki ta pidi di e kontratista tambe ku ta bai ehekutá e trabounan di preparashon pa konstrukshon i strukturashon, un aserkamentu hopi kuidadoso. Atendementu ku vegetashon, tantu eliminashon parsial di esaki komo plantamentu nobo no ta kai bou di e destaho akí, pero ta keda ehekutá di parti di tersera partidonan. Mesunkos ta konta pa konstrukshon di kloaka, awa, i kabelnan di koriente i data.
Destaho 2: Destaho di áreanan di desaroyo A, B i E (Dawari)
Den e área di Dawari tin destaho pa tres área di desaroyo: área di biba A, área di biba B i área di biba E. Ta invitá partidonan di merkado pa entregá un oferta pa un òf mas área. E dunadó di tarea por otorgá e áreanan na e mesun interesado òf na diferente interesado.
E informashon kompleto tokante e tres áreanan di desaroyo, inkluyendo grandura i ubikashon di e áreanan A, B i E, e kantidat di bibienda ku ta bai konstruí, e kuadronan programátiko i di planifikashon urbano, e reglanan di e destaho i e kriterionan di otorgashon, ta disponibel via bonairewoondeal.com.
Bo ta deseá mas informashon òf bo ke pone nos na altura ku bo ta interesá? Por hasi esaki promé ku 15 di aprel 2026. Bishitá e página di informashon di destaho: bonairewoondeal.com. Pa pregunta bo por tuma kontakto via info@bonairewoondeal.com.
No por derivá ningun derecho for di e anunsio akí. Kontenido i planifikashon ta indikativo i nan por kambia.
