E proyekto ‘Aksesibilidat i partisipashon pa hende ku un limitashon’ ta kontinuá ku su aktividatnan relashoná ku mehorashon di un estilo di biba salú. Komo parti di “SAMEN FIT” en koperashon ku Yogarriba ta introdusí un aktividat nobo, ku komo meta pa hasi hende ku un limitashon i hende grandi konsiente di nan respirashon. Strès ta den nos bida diario i nos tin ku konfrontá bida paso pa paso. Pa medio di hasi algun ehersisio di rèkmentu bo por bira mas konsiente di bo kurpa, pa di e manera ei laga bo sanger sirkulá mas mihó i relahá bo múskulonan. Ser konsiente di bo respirashon i hasimentu di ehersisio pa respirashon ta nifiká hiba un bida salú, alegre i konsiente.
E aktividat ‘Invertí den bo salú’ ta tuma lugá riba:
· 23 di aprel 2022, for di 09:00 or te 10:00 or na Cocari na Rincon
Bou di guia di Lolymar di Yogarriba na un manera dibertido i simpel bo ta siña kon bo por move den bo mes forma i riba bo mes forsa. Nos ta invitá hende ku un limitashon òf hende grandi 55+. Nos ta motivá nan miembronan di famia tambe pa bin pa move huntu. Si ta nesesario lo por regla transporte tambe.
Pa mas informashon òf pregunta relashoná ku e aktividatnan bo por tuma kontakto ku Direktorado di Komunidat i Kuido, sra Sharifa Sedney na 715 – 5311 òf 785 – 4374, òf manda un email na moveshondenbario@bonairegov.com
