Awe tabata Dia di Profeshonalnan riba tereno di Hubentut 2022. Desde 2018 e aña akí tabata posibel atrobe pa selebrá e dia akí huntu i físikamente, después di e periodo di corona. Tabata posibel tambe pa koleganan di Islariba i Hulanda sigui e konferensia akí online. Ku e dia akí e direktornan di Sentro Akseso Boneiru, Sentro di Ekspertisio Enseñansa i Kuido, Mental Health Caribbean, Entidat Públiko Boneiru, Konseho di Tutela (Voogdijraad) i Kuido i Hubentut ke duna e profeshonalnan riba tereno di hubentut oportunidat pa huntu ku otro profeshonalnan riba tereno di hubentut interkambiá konosementu i eksperensia dentro di e tema: ‘Espasio, direkshon i realisashon ta duna Outonomia Profeshonal’.
E mainta a konsistí di sera konosí, diferente presentashon i tambe un tiki moveshon. E mèrdia a konsistí di algun tayer ku profeshonalnan riba tereno di hubentut a duna pa profeshonalnan riba tereno di hubentut. Ta bai usa e resultadonan di e interkambio di konosementu pa mehorashon den ehekushon i kolaborashon na benefisio di hubentut.
