E kompensashon pa artíkulo di skol ta 300 dòler pa kada alumno. Studiantenan di MBO ta bini na remarke pa un kompensashon pa sèn pa buki. E kompensashon pa sèn pa buki ta maksimalmente 400 dòler, esaki ta dependé di e tipo di estudio. Studiantenan di MBO ku ta mayor di edat por pidi e kompensashon nan mes. Mayornan i tutornan tin ku hasi petishon pa e sèn pa buki pa studiantenan ku ta menor di edat.
Tin algun kondishon pa haña e kompensashon pa artíkulo di skol òf pa sèn pa buki. Alumnonan di skol básiko mester ta inskribí na un skol básiko i studiantenan di MBO mester ta inskribí na nan estudio. A pone límite tambe na e entrada ku un hende por tin pa haña e kompensashon. Riba www.bonairegov.com/back2school tin e kondishonnan pa haña e kompensashon.
Mayornan, tutornan i studiantenan di MBO por pidi e kompensashon online riba www.bonairegov.com. Ta importante pa upload tur e dokumentunan ku nan ta pidi. No ta prosesá un petishon ku no ta kompletamente yená. Hende ku tin mester di ayudo durante yenamentu online di e petishon, por yama òf app e number 701 1055. E orario ta di djaluna te ku djabièrnè di 09.00 or te 16.30 or.
Siudadanonan ku tin mester di ayudo personal pa hasi e petishon, por pasa na Direktorado di Komunidat i Kuido den luna di yüli i ougùstùs. Esaki por riba djamars i djaweps di 09.00 – 12.00 or i di 14.00 – 17.00 or na Kaya Neerlandia 41.