Siudadanonan ku ke esei, por pasa e angua kontra corona ku sita djaweps 7 di desèmber 2023 i djaweps 14 di desèmber 2023 na e departamento di Salubridat Públiko. Pa un sita, siudadanonan por yama e number grátis 0800 0800. Por pasa hendenan ku pa un tempu kaba ta malu i ta na kama, e angua na kas. Pa traha un sita, nan por yama e number grátis 0800 0800.
Ta rekomendá e bakuna nobo kontra e vírùs di corona prinsipalmente na hendenan riba 60 aña i hendenan ku un sistema inmunológiko débil. E angua ta destiná tambe pa hende muhé na estado i hendenan ku un malesa di durashon largu. Manera por ehèmpel hende ku problema ku kurason, problema ku pulmon, diabétis, sobrepeso i preshon haltu.
Novèmber último tabata posibel pa pasa e angua kontra corona sin sita riba dia fiho den bario. Despues ku a para ku e pasamentu di angua den bario, Salubridat Públiko a haña e pregunta si tòg ta posibel pa pasa e angua ainda. Ta spera ku e luna akí spesialmente siudadanonan ku ta biaha pa eksterior, ke pasa e angua. Salubridat Públiko ta konsehá biahero pa pasa e angua na tempu. Ta dura sigur dos siman promé ku e angua tin efekto.
