Tur hende ku ta bishitá Boneiru, ku avion òf boto, mester paga visitor entry tax. E wèpsait korekto pa paga visitor entry tax ta www.bonaireisland.com. Via e lenk riba e wèpsait ofisial akí bo ta paga direktamente na Entidat Públiko Boneiru e suma korekto di $ 75,- òf un otro suma si bo ta kai bou di e eksepshonnan.
Riba e wèpsait akí bo ta haña kontesta tambe riba e preguntanan ku hendenan ta hasi mas tantu i e eksepshonnan ku ta na vigor pa e visitor entry tax:
- Residentenan di Boneiru ta eksonerá solamente si nan por mustra nan sédula bálido òf un ekstrakto (uittreksel) di registro sivil ku no ta mas bieu ku 1 luna.
- Hóbennan boneriano ku ta studia den eksterior ta eksonerá si nan por mustra un sertifikado bálido pa eksonerashon di e impuesto di turista, ku nan a risibí via Finansiamentu di Estudio BES (Studiefinanciering BES).
- Pa habitantenan di un di e islanan di e anterior Antia Hulandes e suma ta $ 10,-, si nan por mustra un sédula bálido komo prueba di inskripshon.
- Mucha te ku e edat di 12 aña ta paga $ 10,-.
Pa tur otro bishitante di 13 aña bai ariba ta konta ku nan ta paga e suma total di $ 75,-. Despues di pago online bo ta risibí un QR-code i ku esaki na Boneiru bo por sigui kana bai imigrashon rápidamente via e ‘Happy Lane’. Den kaso ku inesperadamente bo no por paga online, e ora ei bo por yena e deklarashon online i ku e QR-code ku bo haña bo por paga na e kiosko, direktamente despues di yegada. No ta aseptá pago kèsh.
Durante e simannan tras di lomba un evaluashon a tuma lugá i a proponé algun kambio na Konseho Insular entrante 1 di yanüari 2023.
