Entidat Públiko Boneiru (OLB) lo ta presente na e ‘Study & Job Fair 2025’ na World Trade Center (WTC) na Kòrsou djasabra awor, 22 di novèmber 2025. Studiantenan, hóbennan profeshonal, i tur hende ku ta interesá den un futuro na Boneiru lo tin e oportunidat pa konektá direktamente ku koleganan di OLB i diskubrí tur e oportunidatnan di trabou ku tin.
Bishitantenan lo risibí informashon tokante vários funshon denter di OLB i oportunidatnan pa yunan di tera ku ta deseá di regresá Boneiru. E tim tambe lo tei pa ofresé konseho i tep práktiko pa esnan ku ta aspirá un karera eksitoso na OLB.
Dikon bishitá e stènt di OLB durante e Feria di Estudio i Trabou?
- Diskubrí kua vakaturanan OLB tin pa ofresé.
- Hasi tur bo preguntanan direktamente na konseheronan di rekurso humano i otro koleganan
- Haña bista riba traha, biba i krese profeshonalmente na Boneiru.
OLB ta invitá tur bishitante kordialmente pa bishitá su booth. Sea bo ta studiando aktualmente, bo a gradua resientemente, òf bo ta kla pa e siguiente paso den bo karera, esaki ta bo oportunidat pa diskubrí kon bo por kontribuí na Boneiru su futuro.
Fecha: 22 di novèmber 2025
Lokashon: World Trade Center, Kòrsou
Orario: 10:00 AM - 6:00 PM
Pa mas informashon, bishitá: www.studyfaircuracao.com/jobfairscfc
