E aña akí Inspekshon di Ambiente di Biba i Transporte (Inspectie Leefomgeving en Transport - ILT) riba enkargo di sekretario di estado di Infrastruktura i Maneho di Awa i riba petishon di Entidat Públiko Boneiru ta bai hasi un ‘nulmeting’, esta un inventarisashon di e situashon aktual, pa loke ta trata tur otorgamentu di pèrmit i tareanan di supervishon i mantenshon di lei den Hulanda Karibense.
Entidat Públiko Boneiru lo usa e ‘nulmeting’ di Inspekshon di Ambiente di Biba i Transporte i e rapòrt ku ta sigui despues di esaki pa ampliashon di e trayektonan di mehorashon di e Direktoradonan di Planifikashon i Desaroyo i Supervishon i Mantenshon di Lei. Ya kaba a elaborá un plan di mehorashon Planifikashon i Desaroyo den kua a inkluí intensifikashon di e instrukshonnan i proseduranan pa otorgamentu di pèrmit. Pa direktorado di Supervishon i Mantenshon di Lei tambe ta trahando riba un ‘quickscan’ i un programa di mehorashon.
Ta manda resultado di e ‘nulmeting’ pa Tweede Kamer i lo prosesá esaki den ámbos plan di mehorashon, di manera ku por ehekutá tareanan di otorgamentu di pèrmit i di supervishon i mantenshon di lei den un forma inkonfundibel i efisiente.
