Den siman di 11 di desèmber temporalmente bo por entregá i hasi petishon pa bo Deklarashon Tokante Kondukta (VOG) na Kaya Almirante Pedro Luis Brion 12. Esaki ta tambe e último siman den aña 2023 ku por buska deklarashon di VOG òf hasi petishon pa esaki. Dia 12, 13 i 14 di desèmber e lokèt na Kaya Almirante Pedro Luis Brion 12 ta habrí segun e orario regular.
Durante e dianan ku ofisina ta será relashoná ku dianan di fiesta, por hasi petishon online sí. Esaki ta posibel online pa medio di manda e formulario di petishon kompletamente yená huntu ku e dokumentunan nesesario via email pa vog-bonaire@bonairegov.com. E dokumentunan nesesario i splikashon di esakinan bo por haña riba: https://bonairegov.com/pa/habitante/deklarashon-tokante-kondukta
Despues di 9 di yanüari Gabinete di Gezaghèber ta reanudá e skema normal pa entregá i hasi petishon pa VOG.
Pa eventual pregunta òf pa mas informashon, bo por tuma kontakto ku nos sentro di servisio na kliente via 715 5330 òf via info@bonairegov.com.
