Riba djabièrnè 16 di aprel Entidat Públiko Boneiru, dunadónan di trabou, sindikatonan i Kámara di Komèrsio ku huntu ta forma Diálogo Sentral, a logra e ‘Akuerdo di Kralendijk’, ku entre otro durante e 5 añanan binidero mester kondusí na un oumentu fuerte di sueldo mínimo, onderstant i AOV – penshun di behes.
Banda di e oumentunan aki i kombatimentu di e problemátika di pobresa tin den e akuerdo tambe proposishonnan pa logra haña kosto di bida na un nivel akseptabel pa medio di esfuersonan di Gobièrnu di Reino i Entidat Públiko Boneiru. Pa por ofresé e akuerdo mas amplio posibel a dediká atenshon tambe na maneho di sosten.
Diálogo Sentral ta konfia ku ‘Den Haag’ tambe lo kontribuí na ehekushon di e akuerdo, ku ya kaba a bai pa minister di Asuntunan Sosial i Empleo.
Por bisa ku ta algu úniko ku a sera e akuerdo di mas aña aki entre e partnernan aki ku konsekuensia positivo asina grandi pa habitantenan di Boneiru.
Gezaghèber tambe, alabes presidente qualitate qua di Diálogo Sentral, a yama bon biní na e akuerdo:
‘Esaki ta un paso históriko den desaroyo di Boneiru. Kita for di retraso i konflikto i porfin na kaminda pa mas progreso i bienestar pa tur hende. Esaki tabata e intenshon tambe di Diálogo Sentral, ku huntu ku otro nos a lanta na aña 2018. Mi ta orguyoso di e resultado aki i partikularmente di e koperashon di e partidonan boneriano ku otro, porfin realmente e ‘saliña’ a ranka sali’
Por haña henter e teksto di e Akuerdo riba wèpsait di Diálogo Sentral: www.centraaldialoogbonaire.com
