E departamento di Salubridat Públiko ta kontentu ku te ku awor tin hopi ménos kaso di COVID 19 na Boneiru. ,,Pero hustamente awor ku ta bai bon, ketu bai ta rekerí koutela. Nos ta kontentu ku nos por selebrá karnaval na Boneiru atrobe. Den nos legria di karnaval, fásilmente nos ta lubidá ku ainda tin hende vulnerabel mei mei di nos. Hendenan ku kende nos mester tene kuenta ku nan, hustamente awor.” Asina Michael Mercuur, hefe di e departamento di Salubridat Públiko a deklará.
,,Mi ta papia di nos grandinan i hendenan ku un malesa grave manera pashèntnan di suku, pashèntnan di kurason. Hendenan pues ku pa motibu di problema ku salú ta vulnerabel. P’esei ta importante ku tur hende ta tene nan mes na reglanan di higiena. I ku por ehèmpel bo no ta bai bishitá hende grandi si bo tin keho ku ta parse di COVID.”
P’esei e departamento di Salubridat Públiko ta konsehá siudadanonan pa hustamente awor pasa e angua renobá ku bo ta bolbe pasa. ,,Ku nos kosiudadanoan vulnerabel, nos no por ta sufisientemente kouteloso,” Mercuur a remarká. Siudadanonan ku ke esei, por pasa e angua renobá ku bo ta bolbe pasa segun sita. Pa esei nan por yama e number grátis 0800 0800.
