Un tènker ta bolbe bin mara na un pir di Bopec Terminal. Esaki ta pa promé bes for di febrüari 2019. Ta trata di e tènker M/T Altair. E ta bin buska zeta (krudo) ku e kurator di Bopec Terminal a bende riba findishi. E intenshon ta pa pasa e zeta den e tènker djaweps 17 di mart 2022 durante dia.
A kontrolá di antemano e pipanan di e kompania ku ta almasená zeta. Esaki ta konta tambe pa e tènk na unda ta warda e krudo, un pòmp, e pir i otro aparatonan tékniko. Kantor di Haf a repasá di antemano tur trámite operashonal i tékniko.
Bopec Terminal, ku sosten di Kantor di Haf, ta prepará pa sí zeta mester basha den laman. Sí esaki pasa, Kantor di Haf tin material pa wanta zeta i pòmp kla pará. Pa yuda den e operashon ta bini tambe dos toubot for di Kòrsou. Despues di Boneiru e tènker M/T Altair ta sali pa Rotterdam.
E ganashi ku e benta ta pa esnan ku Bopec debe sèn for di e bankarota. Lo usa e ganashi tambe pa garantisá kontinuidat di e kompania pa tempu binidero. Mirando ku e kurator tin ku tene su mes na leinan i eksigensianan di e pèrmit, lo usa un parti di e ganashi di benta pa mantenshon na e instalashonnan i e pir grandi.
E kurator pronto lo informá esnan ku Bopec debe sèn riba e proseso di verifikashon i bista riba nan pago.
