Den komunikado di prensa anterior a presta atenshon na e aserkamentu pa kombatí e problemátika di kachó. Entrante fin di e luna aki ta kuminsá atvertí i duna but na doño di kachó ku ta laga nan kachó kana lòs sin supervishon.
Ehekutor di OLB i agente di KPCN ta traha huntu pa atendé e problemátika di kachó. Nan enfoke ta pa stimulá pa ta un bon doño di kachó i trese bèk e kantidat di insidente kaminda kachó ku ta kana lòs sin supervishon ta morde hende. Ta ehekutá medida a base di e ordenansa di kachó aktual. Un but ta 90 dòler.
Ta prepará
Ofresé e kachó un kaminda sigur na kas. Un kurá bon será ta ideal, pero no ta tur ora esaki ta posibel. Tene kuenta ku bon sombra, un baki pa awa i kuminda i un kadena seif ora bo mara bo kachó.
Den e kampaña di informashon, bou di e denominadó ‘mi kachó, mi responsabilidat’ ta duna tep ku por kontribuí pa bo ta un bon doño di kachó. Pa mas informashon, bishitá www.bonairegov.com
