Te ku 8 di novèmber 2021 tur hende por reakshoná riba e Dekreto di Establesimentu i Aktividat BES (Inrichtingen- en activiteitenbesluit BES - IAB). Den e lei aki, un asina yama dekreto den un medida general di gobernashon (algemene maatregel van bestuur - AMvB) legislashon tin regla di medio ambiente pa empresanan na Boneiru. Empresanan ku ta kontaminá (pone preshon riba) medio ambiente tin ku bai tene nan mes na regla. Ta dependé kon grave nan ta pone preshon riba medio ambiente, nan tin ku pidi un pèrmit òf kumpli ku sierto eksigensianan. Esaki tin pará den un medida general di gobernashon (algemene maatregel van bestuur - AMvB) ku ta disponibel pa tur hende tira un bista riba dje.
Ministerio di Infrastruktura i Maneho di Awa den koperashon estrecho ku Entidat Públiko Boneiru a formulá e legislashon akí. Den anekso 1 di e AMvB a inkluí aktividatnan ku ta pone preshon riba medio ambiente i pa kua e reglanan ta bai konta. Pa mas informashon tokante e Dekreto di Establesimentu i Aktividat BES (Inrichtingen- en activiteitenbesluit BES - IAB) bo por akudí akinan.
A base di e AMvB akí lo elaborá e reglanan general mas aleu den un areglo ministerial i un ordenansa insular.
Te ku 8 di novèmber 2021 por reakshoná riba e AMvB riba internèt https://bonairegov.com/pa/habitante/milieu/aanstaande-wetgeving. Despues ta presentá e medida general di gobernashon (algemene maatregel van bestuur - AMvB) akí na Raad van State pa konseho. E intenshon ta pa e reglanan nobo bini na vigor meimei di otro aña.
