![[Translate to Papiamento:]](/fileadmin/_processed_/f/6/csm_Hurricane_season__002__ca37bf3f9c.jpg "[Translate to Papiamento:]")
Sientífikonan ta verwagt ku posibelmente e temporada di orkan akí ta mas aktivo ku e añanan anterior. Sea bon prepará pa esaki. Insufisiente preparashon por pone bo siguridat na peliger durante un kalamidat di orkan
Informashon èkstra den nos foyeto di orkan i via medionan sosial
Entidat Públiko Boneiru ta duna komunidat boneriano informashon importante. Prepará bo mes pa un tormenta tropikal òf orkan ku e tepnan den e foyeto di orkan. E foyeto akí ta deskribí tambe kiko Entidat Públiko Boneiru ta hasi durante un orkan. Den e foyeto tin tambe e number di emergensia ku bo por yama. Riba nos wèpsait bou di e boton ‘habitante i kombatimentu di kalamidat’ tur hende por wak e foyeto di orkan i download esaki. Den kaso di emergensia semper bo por yama 911.
Banda di esei nos ta duna informashon via komunikado di prensa, nos páginanan di facebook (Gobièrnu di Boneiru i Openbaar Lichaam Bonaire), twitter (@OLBonaire) i nos wèpsait (www.bonairegov.com). Den e medionan akí bo ta haña tep i medida komo preparashon pa un orkan.
E tim di kombatimentu di kalamidat ta para kla pa bo
Entidat Públiko Boneiru tin un tim di kombatimentu di kalamidat ku ta prepará su mes pa un krísis òf kalamidat. Ora ta nesesario nan ta kombatí esaki tambe. E tim di kombatimentu di kalamidat ta regla huntu ku diferente organisashon kiko mester pasa den kaso di peliger durante i despues di un orkan òf tormenta tropikal. Nan ta hasi esaki por ehèmpel ku polis, kuerpo di bombero, dòkternan i kuido di poblashon. Banda di esaki durante un orkan Entidat Públiko Boneiru ta sòru pa shèlter pa hende ku no ta seif mas den nan propio kas.
Download nos app! Por download ‘Disasterprep Bonaire’ via App Store i Google Play. Den e app bo ta lesa kon bo por prepará bo mes pa diferente kalamidat. Den e app bo ta lesa tambe kiko Entidat Públiko Boneiru ta hasi, kiko e number di emergensia ta i kua ta nos kanalnan di medionan sosial. Via e app si ta nesesario Entidat Públiko Boneiru por manda mensahe importante pa tur usuario di e app.
