Riba inisiativa di e miembro di Eerste Kamer Tekke Panman, siman 11 di yüni 2025 den un esfera habrí i konstruktivo, a tuma lugá un kòmbersashon di sera konosí entre un representante di Dutch Caribbean Agriculture, Livestock & Fisheries Alliance (DCALFA) i minister Femke Wiersma di Agrikultura, Krio di Bestia, Siguridat di Kuminda i Naturalesa (LVVN). Presente tabata tambe Gerbert van der Wal, miembro di management pa Maneho Oropeo, Internashonal i Agro-ekonómiko, ku entre otro ta sostené DCALFA pa medio di ponementu disponibel di e sekretariado na Servisio di Reino pa Hulanda Empresarial.
Durante e kòmbersashon nan a wak bèk riba e resultadonan di e kolaborashon te ku awor, entre otro e Memorandum of Understanding (MoU) ku na aña 2023 nan a firma entre e seis islanan, i ku na aña 2026 nan ta bai prolongá.
Sentral tabata importansia di kolaborashon riba tereno di agrikultura, krio di bestia i piskamentu, ku atenshon spesial pa kompartimentu di konosementu i interkambio di ekspertisio entre Hulanda i e islanan den área karibense. Nan a papia tambe tokante e promé pasonan ku DCALFA ta pone den direkshon di desaroyo di un vishon riba maneho di siguridat di kuminda, den kua e plan stratégiko 2025 - 2035 ku resientemente nan a presentá, ta forma un guia importante.
Ku konfiansa DCALFA ta spera e profundisashon mas aleu di e kolaborashon den Reino.
