Den wikènt di 3 di sèptèmber 2023 kolegio ehekutivo i gabinete di gezaghèber ta muda pa e edifisio di ofisina na Kaya Grandi 30. Riba djabièrnè 1 i djaluna 4 di sèptèmber 2023 kolegio ehekutivo i gabinete di gezaghèber ta será pa servisio públiko. Riba e dos dianan akí no ta posibel tampoko pa hasi petishon pa Deklarashon Tokante Kondukta (VOG) òf pa bin buska esaki. Sí ta posibel pa hasi petishon pa Deklarashon Tokante Kondukta (VOG), mandando un imeil na VOG-Bonaire@BonaireGov.com. Durante e siman aki ta posibel solamente dia 7 di sèptèmber pa tuma e Deklarashon Tokante Kondukta, en konekshon ku Dia Di Boneiru. E oranan regular ta keda djamars i djárason for di 8.30 or – 11.00 or di mainta i for di 14.00 or – 16.00 or di tra’i mèrdia.
Ofisina di kolegio ehekutivo i gabinete di gezaghèber na Kaya Grandi 30 ta aksesibel via e entrada ku ta keda na e sitio di stashoná outo den ‘Centrumgebied Playa’. E orarionan di bishita no ta kambia, pues riba djaluna te ku djabièrnè di 8.30 or pa 11.00 or di mainta i di 14.00 or pa 16.00 or di tra’i mèrdia.
E mudansa ta nesesario pa motibu di estado di e edifisio di ofisina aktual na Plasa Wilhelmina. E ubikashon nobo temporal ta pa garantisá siguridat di empleadonan i bishitantenan. Ta bai restorá e edifisio aktual ku komo meta pa rekuperá e edifisio karakterístiko monumental. E edifisio impreshonante situá den kurason di Playa ta un patrimonio kultural.
