Riba djaluna 21 di òktober 2024, Kolegio Ehekutivo di entidat públiko Boneiru a risibí e rapòrt di inspekshon di Inspekshon di Ambiente di Biba i Transporte (Inspectie Leefomgeving en Transport – ILT). E rapòrt akí ta bai tokante Selibon, e organisashon di prosesamentu di sushi na Boneiru. ILT a ehekutá e inspekshon den e último siman di ougùstùs 2024.
Durante e konsulta regular Kolegio Ehekutivo ta deliberá tokante e resultadonan i e pasonan di kontinuashon ku Representante di Reino. Den futuro serkano Kolegio Ehekutivo lo reakshoná riba kontenido di e konklushonnan den e rapòrt.
Riba djárason 23 di òktober 2024 a manda e rapòrt di inspekshon di ILT pa Konseho Insular. Kolegio Ehekutivo ta haña importante pa studia e rapòrt kuidadosamente i lo duna mas informashon den un fase mas lat.
Kiko ta ILT?
Inspekshon di Ambiente di Biba i Transporte (Inspectie Leefomgeving en Transport – ILT) ta un instansia di gobièrnu hulandes. ILT ta supervisá diferente sektor, manera transporte, infrastruktura i ambiente di biba. Nan tarea ta pa kontrolá si organisashonnan manera Selibon ta tene nan mes na regla i leinan ku ta sòru pa nos medio ambiente keda limpi i seif.
