Dia 17 di yanüari 2023 gezaghèber Rijna a risibí minister di Hustisia i Siguridat Yesilgoz-Zegerius pa un kòmbersashon tokante importansia di un kolaborashon sólido pa salbaguardá i mehorá siguridat mas aleu na nos isla.
Nan a papia tokante e puntonan di salida manera importansia di aktualisashon di legislashon BES, lantamentu di un lokèt hurídiko pa asistensia hurídiko, fortifikashon di vigilansia di frontera i aliviá e sistema di derecho penal. Banda di e bon kolaborashon, regulashon ku ta kuadra, mantenshon di lei i medionan ta fundamental pa por traha riba un Boneiru mas seif. Un komunidat salú i seif ta un di e puntonan di lansa mas importante di Entidat Públiko Boneiru pa awor akí i pa den futuro.
Ku e kòmbersashon nan a pone un base sólido pa investigá kon e kolaborashon akí por haña forma banda i ku e laso di kolaborashon RIEC CN (RIEC CN ta un laso di kolaborashon di partnernan di siguridat pa haña mas bista riba e formanan den kua kriminalidat organisá i supversivo ta aparesé na Hulanda Karibense) pa asina mantené un Boneiru mas seif pa habitantenan, empresanan i bishitantenan pa awor akí i pa den futuro.
