Resientemente a plama informashon ku no tabata muchu kla tokante seramentu di kaminda pa un fiesta di kasamentu dia 23 di novèmber. Nos ta ofresé nos diskulpa pa e malentendimentu. Nos ke klarifiká ku no ta bai sera kaminda. Un parti di Te Amo Bich durante un (1) dia ta den uso pa un evento privá, kompletamente den liña ku e reglanan di e dekreto insular di 17 di novèmber 2008, nr. 1, relashoná ku uso di tereno publíko i e gastunan relashoná ku esaki.
Entidat públiko Boneiru ta balorá nos bichnan komo sitionan di enkuentro, kaminda tur hende por bini huntu i selebrá fiesta. Nos ta kontentu ku nos habitantenan por usa e sitionan akí pa momentunan spesial, tanten ku nan ta tene nan mes na regla i yuda tene nos bichnan bunita i aksesibel. Miéntras ku nos ta rektifiká e situashon akí, nos ke deseá e pareha ku ta kasa na Boneiru tur sorto di felisidat. Eventonan manera esaki ta mustra kon yen di alegria momentunan spesial na nos isla por ta.
Pa mas pregunta òf preokupashon, nos ta invitá bo pa tuma kontakto ku entidat públiko Boneiru. Por hasi esaki pa medio di email via info@bonairegov.com òf pa medio di telefòn via 599 715 5330. Huntu nos ta kompremeté nos mes pa un Boneiru kaminda tin espasio pa tantu alegria personal komo pa interes públiko.
