Kaminata históriko ku Boi Antoin i Jeaniro Dorothea

E ruta pa lanthùis Yato Baco ta pasa na algún sitio kaminda pasado di sklabitut na Boneiru ta visibel.

E ruta pa lanthùis Yato Baco ta pasa na algún sitio kaminda pasado di sklabitut na Boneiru ta visibel. Un grupo interesá a tuma nota di esaki djasabra último na e kaminata bou di guía di Bòi Antoin. EPB i Ministerio di OCW a organisá e kaminata históriko akí. Esaki pa duna atenshon na emansipashon na Boneiru.

E kaminata ta un di e aktividatnan  pa konmemorá pasado di sklabitut e aña akí. Anualmente dia 1 di yüli ta konmemorá ku na aña 1863 Hulanda a abolí sklabitut den e kolonia karibense. Den e tempu ei tabatin mas o menós 12.000 persona sklabisá na Antia. Abolishon di sklabitut i  emansipashon di hende  sklabisá a afektá historia i komunidat boneriano.

Riba promé di yüli lo tene un anochi di sine pa reflekshoná i tambe pa diskutí. Ta pasa e dokumentario di Sombra di Koló. E dokumentario ta trata ki ròl koló di kueru ketu bai tin den nos komunidat.