Ministerio di Salubridat Públiko, Bienestar i Deporte den konsulta ku e timnan di bakunashon di islanan BES i paisnan KAS ta investigá disponibilidat di habitantenan pa pasa angua kontra corona. Despues ta usa e resultadonan pa oumentá e kantidat di habitante ku a bakuná mas tantu posibel. I&O Research ta responsabel pa e investigashon i ta traha huntu ku investigadónan lokal.
Hopi hende na Boneiru a bakuná kaba. Ta hasi e investigashon pa haña sa kiko tabata e motibu prinsipal pa e habitantenan pa bakuná. Ta bon tambe pa sa kiko ta stroba hendenan di pasa angua.
For di djabièrnè 13 te ku djaluna 16 di ougùstùs 2021 e investigadónan ta tene entrevista kòrtiku na Boneiru. A base di e preguntanan e partisipantenan por splika dikon nan ta pasa angua òf dikon nan no ta pasa angua. Siudadanonan ku ke partisipá na e investigashon por app òf yama na +5999 521 3108. Ta tene e entrevistanan na hulandes òf papiamentu òf spañó.
