Gezaghèber ta duna klaridat riba situashon gubernamental di Boneiru

Último lunanan tabatin hopi intrankilidat den polítika i den gobièrnu di Boneiru. Pa e motibu akí gezaghèber a haña pregunta i petishon pa intervení den gobernashon lokal.

Gezaghèber ta splika kiko su ròl ta. E ta un mandatario independiente i e no ta traha na nòmber di un partido polítiko. Su tarea ta entre otro pa yuda vigilá bon gobernashon i integridat gubernamental. Kolegio Ehekutivo ta forma gobernashon diario di Boneiru, ku gezaghèber komo presidente.

Kiko a pasa?

Den nos sistema di gobernashon ta konta: Kolegio Ehekutivo ta keda na mando, tanten ku e tin konfiansa di Konseho Insular. Ta te ora ku Konseho Insular bisa ofisialmente ku e konfiansa akí no t’ei mas, ta bin kambio den esaki.

Último tempu sosten polítiko pa e gobernashon aktual a bira mas chikitu. Riba djamars 31 di mart 2026 e diputadonan a entregá nan retiro. Despues di esaki a plania un reunion di urgensia riba djaweps 2 di aprel 2026 pa proponé diputadonan nobo. Riba e mesun dia a bira konosí tambe ku UPB, MPB i e miembro independiente di Konseho Insular Serberie huntu ke forma un koalishon nobo.

Kiko ta ròl di gezaghèber?

Gezaghèber ta presidente i miembro di Kolegio Ehekutivo. Den e ròl akí e tin algun tarea i kompetensia. E por pone tópiko riba agènda i e mes por hasi proposishon. Tambe e ta yuda promové kolaborashon i unidat den gobernashon. Den esaki gezaghèber no tin e tarea pa e mes forma un gobièrnu nobo. Esaki ta tarea di Konseho Insular i e partidonan polítiko.

Banda di esaki gezaghèber tin un ròl mas informal tambe. E ta papia ku mandatarionan, yuda kaminda ta nesesario pa tene kòmbersashonnan andando i e ta vigilá bon gobernashon. Pero den esaki tambe e ta keda dentro di e límitenan di lei i di su posishon independiente.

Kiko esaki ta nifiká pa nos habitantenan?

Pa habitantenan nada no ta kambia awor akí den e servisio diario di Entidat Públiko Boneiru. E tareanan di gobièrnu ta sigui kana normalmente. Gobièrnu ta sigui traha pues riba su tareanan i su servisio normal. Den un anterior situashon komparabel ku esaki, Entidat Públiko Boneiru a splika tambe ku lei ta netamente intenshoná pa salbaguardiá kontinuidat di gobernashon, ora diputadonan aki afó.

Pa nos habitantenan esaki ta nifiká:

• palabrashonnan, lokètnan i servisionan di gobièrnu ku ta kanando ta kontinuá;   
• por atendé ku desishonnan ku no por warda;
• e situashon gubernamental ta kambia, pero gobièrnu ta sigui funshoná.

Mañan djaweps 2 di aprel 2026, Konseho Insular ta reuní atrobe pa proponé tres diputado nobo. Pa e motibu akí tin bista riba un traspaso rápido pa un Kolegio Ehekutivo nobo.

Wak padilanti

Goberná Boneiru ta un responsabilidat grandi. Diferensia di opinion ta forma parti di polítika, pero ta importante pa gobièrnu di nos isla keda stabil i sigui traha bon pa su habitantenan.

Gezaghèber ta sigui komprometé su mes pa bon gobernashon i integridat gubernamental. Ku nombramentu di tres diputado riba djaweps 2 di aprel 2026 tin bista riba un fase nobo i kontinuashon di kolaborashon ku un Kolegio Ehekutivo nobo i ku Konseho Insular.