Den e temporada yen di bida na kaminda pa aña nobo, ku orguyo nos ta anunsiá selebrashon di e Dia di Maskarada anual dia 1 di yanüari. Un fiesta enkantador ku tin su raisnan profundo den nos komunidat i ku ta selebrá su tradishonnan di hopi siglo bieu. E aña akí nos gezaghèber interino remplasante Ingrid Sealy ta hasi e seremonia di apertura, kaminda e lo hasi entrega tambe di e tradishonal butishi di ròm.
Dia di Maskarada 2024: Un Patrimonio di Enkuentro i Alegria
Dia 1 di yanüari e kayanan di nos komunidat ta yen di sonido di músika di Maskarada, kaminda e sinfonia i e tambú di dòbel banda, konosé komo tambor, ta krea un ambiente festivo. Maskarada, ku tabata na punto di bai pèrdí den historia, a sa di mantené su mes komo un selebrashon bibitu di kultura i solidaridat.
Komienso di e dia festivo akí ta tuma lugá na SKAL, kaminda Ingrid Sealy, nos gezaghèber interino remplasante ta duna e señal ofisial di inisio ku un palabra inspirativo di apertura. Komo un bunita tradishon e lo hasi entrega tambe di e butishi simbóliko di ròm, un akto ku tin su raisnan profundo den historia di Maskarada i ku ta simbolisá e konekshon ku nos kultura lokal.
Detayenan di e evento:
Fecha: 1 di yanüari 2024
Ora: 10:00 or – 11:00 or
Sitio: SKAL
Otro festividatnan i Dibertishon
Despues di apertura e presentenan por disfrutá di skèchnan vibrante di e Maskanan, e orguyoso miembronan di e Grupo di Maskarada. For di esenanan yen di kos di hari tokante toriamentu di toro te storianan tokante bida di piskadó, e presentashonnan akí ta primintí tantu dibertishon komo un profundisashon di tradishonnan lokal.
Kordialmente nos ta invitá tur habitante i otro interesadonan pa partisipá na e selebrashon spesial akí.
