Spesialmente pa e aña eskolar nobo, Entidat Públiko Boneiru ta lansa e kampaña Ban Skol Bèk#BONBAKUNÁ. E kampaña ta konsistí di entre otro dos video, poster, i enkuentro informativo pa hóben i mayor. E kampaña ta kuminsá e siman akí ku lansamentu di e promé video djaweps 19 di ougùstùs 2021.
E kampaña ta dirigí riba hóbennan den e edat di 12 pa 18 aña. E departamento di Salubridat Públiko ta kontentu ku te ku awor 32 % di hóbennan den e grupo di edat ei a pasa minimalmente ún angua. E variante delta di e vírùs di corona ta plama rápidamente bou di hóben. P’esei spesialmente pa nan a organisá un kampaña.
Den e videonan entre otro ta bin na palabra hóbennan ku ta bai skol, mayor, i un dòkter di pulmon. Nan ta konta di nan eksperensianan ku COVID-19.
Den lunanan ougùstùs i sèptèmber ta organisá e enkuentronan informativo pa hóbennan i nan mayornan. Den futuro serkano por usa e lema Ban Skol Bèk#BONBAKUNÁ tambe komo kuadro pa un foto di profil riba Facebook.
