Na Biblioteka Públiko Boneiru ta tene di 4 te 6 di mart 2024 entrenamentu di lesa pa otro pa kolaboradónan di akohida pa mucha na diferente orario. E entrenamentu ta pa empleadonan ku ta traha ku mucha den e edat di 0-4 aña. Den e entrenamentu partisipantenan ta siña kon ta konta un storia di un forma visual i enbolbí mucha den e storia. E partisipantenan ta haña tambe tep kon nan por usa nan stèm pa hasi e storia atraktivo pa mucha.
E entrenamentu ta forma parti di e programa di biblioteka ‘Komienso ku Buki den Pasadia pa Mucha’. Pa esaki e biblioteka lokal ta traha estrechamente ku Biblionet Groningen, Stichting Lezen i ku akohida pa mucha na Boneiru.
Meta di ‘’Komienso ku Buki den Pasadia pa Mucha” ta pa na edat hóben siña mucha amor pa buki i lesamentu. Biblioteka Públiko Boneiru tin un programa spesial pa akohida pa mucha. Asina e biblioteka ta konsehá akohida pa mucha kua buki di beibi i mucha chikitu ta mihó pa nan usa
Ta tene e entrenamentu di lesa pa otro na hulandes, e ta na enkargo di un eksperto for di Hulanda. Durante e entrenamentu tin tambe un eksperto lokal pa komplementá e entrenamentu ku ehèmpel for di buki na papiamentu. Na final, partisipantenan ta haña un sertifikado.
Tur kolaboradó pedagógiko di pasadia pa mucha ta bonbiní pa sigui e entrenamentu. Nan por inskribí via meil na info@bibliotheekbonaire.com òf yama e number 715 53 44.
