- Entidat Públiko Boneiru ta na altura di e susedido tristu, kaminda nan a topa ku un buriku den un di e bakinan di awa na Plantashi Fòntein. Nos ta lamentá e echo ku esaki por a tuma lugá.
Entretantu nos empleadonan a saka e buriku for di e baki di awa. E susedido akí ta enfatisá e urgensia pa tuma medidanan adishonal riba tereno di Fòntein.
Entidat Públiko Boneiru ta trahando riba mehorashon di supervishon riba e tereno. Resientemente a drecha un kasita riba e tereno i a tum’é den servisio atrobe. Aparte di esaki a pone fondo disponibel pa invertí den por ehèmpel seramentu di e tereno, di manera ku den futuro por evitá e tipo di insidentenan tristu akí.
