Entidat públiko Boneiru ta sera lokalidat di akohida pa mucha entrante 28 di mart 2025

Entidat públiko Boneiru a disidí pa entrante 28 di mart 2025 terminá eksplotashon di un lokalidat di akohida pa mucha. E desishon akí ta bini despues di vários señal, defisiensianan struktural riba tereno di rekesito pa personal i un insidente ku a bini na klaridat durante un investigashon di inspekshon.

Rapòrt di investigashon: akohida no ta kumpli ku eksigensianan di kalidat
For di algun rapòrt di investigashon di Inspekshon di Enseñansa ta resultá ku e situashon aktual den e akohida ta krea un ambiente insigur pa e muchanan. A base di e konklushonnan akí a determiná ku e lokalidat no ta kumpli ku e eksigensianan di kalidat stipulá, manera nan ta formulá den e Ordenansa Insular Akohida pa Mucha Boneiru. Den e forma akí no por salbaguardiá siguridat di e muchanan.

Posibilidat pa rekuperashon i reapertura
Entretantu a informá doño di e organisashon di akohida pa mucha tokante e desishon akí. E organisashon tin e posibilidat pa hasi un petishon pa un anulashon (parsial) di e seramentu. Un kondishon pa esaki ta ku ta proba ku e akohida ta kumpli kompletamente atrobe ku e eksigensianan legal di kalidat.

Entidat públiko Boneiru ta sigui supervisá akohida seif pa mucha
Entidat públiko Boneiru ta enfatisá importansia di akohida pa mucha seif i kualitativamente di balor haltu na nos isla i ta sigui komprometé su mes aktivamente pa kumplimentu ku e regulashon vigente, i ta sostené inisiativanan ku ta kontribuí na un ambiente seif i alentador pa tur mucha na Boneiru.