Entidat Públiko Boneiru (EPB) a tuma insiativa pa sigui fortifiká e Sistema di Pèrmit, Supervishon i Mantenshon di Lei (Vergunningen-, Toezicht- en Handhavingsstelsel – VTH) i pa logra esaki EPB a firma un akuerdo di kolaborashon ku Omgevingsdienst Nederland (ODNL).
Gezaghèber di Boneiru a firma e akuerdo na nòmber di Entidat Públiko Boneiru i e direktor di Omgevingsdienst Nederland a firma na nòmber di e instansia akí. E sosten di DBNL ta enfoká riba ehekushon di tareanan di VTH den Direktorado di Supervishon i Mantenshon di Lei i Direktorado di Planifikashon i Desaroyo.
E akuerdo ta konektá ku e Akuerdo Intergubernamental i ta forma un paso importante den profeshonalisashon mas aleu di e sistema di VTH na Boneiru. Omgevingsdienst Nederland ta duna sosten táktiko i operashonal na Direktorado di Planifikashon i Desaroyo i Direktorado di Supervishon i Mantenshon di Lei.
Un punto di salida importante den e akuerdo ta invershon den desaroyo i fortifikashon di kapasidat lokal. E sosten di Omgevingsdienst Nederland ta enfoká riba traspaso di konosementu, kapasitashon i guia i empleadonan, di manera ku den futuro Boneiru por ehekutá e tareanan di VTH den un forma mas independiente i mas sostenibel.
E akuerdo tin un durashon di dos aña i ta drenta na vigor dia 1 di yanüari 2026.
