Dia 2 di febrüari 2024 korte den promé instansia na Boneiru a duna veredikto den e kaso entre entidat públiko Boneiru i Bonaire Bayside N.V. (konosí tambe komo Cuba Compagnie).
Den e veredikto akí wes a duna entidat públiko Boneiru rason tokante e ‘baki di betòn’ ku Cuba Compagnie mes a konstruí inhustamente riba Plaza Wilhelmina.
Dia 15 di mei 2024 Cuba Compagnie a duna ehekushon na e sentensia akí. Den konsulta ku otro e partidonan a disidí ku Cuba Compagnie mes ta kita e baki di betòn. Cuba Compagnie a koregí e infrakshon i ku esaki a kumpli ku legislashon i regulashon.
Direktorado di Supervishon i Mantenshon di Lei ta entre otro responsabel pa supervishon riba legislashon i regulashon konforme e Plan di Desaroyo Teritorial Boneiru (Ruimtelijk Ontwikkelingsplan Bonaire – ROB). Na momentu ku tin inklaridat ora ta trata di pèrmit i/òf trabou di konstrukshon, tuma kontakto ku Direktorado di Planifikashon di Desaroyo di entidat públiko Boneiru.
