Boneiru ta bai urna djárason 29 di òktober 2025 pa elekshon di Parlamento Hulandes. Komo munisipio spesial di Hulanda, habitante di Boneiru tambe por depositá nan voto pa elekshon di Parlamento Hulandes. A desaroyá spesialmente pa e elekshon akí un ayudo pa vota pa islanan BES: Kompas pa vota pa Hulanda Karibense (Kieskompas Caribisch Nederland). Meta di e ayudo pa vota akí ta pa yuda habitante di Boneiru, St. Eustatius, i Saba pa hasi un eskoho konsiente 29 di òktober awor.
E Kompas pa Vota pa Hulanda Karibense ta optenibel na tres idioma esta papiamentu, hulandes i ingles, i por hañ’é na https://caribischnederland.kieskompas.nl/pap. Por kambia idioma di Kompas pa Vota via menú di idioma na parti ariba di e página. E promé dos preguntanan, “Bo kier konta nos mas tokante bo mes?” i “Bo ke partisipá na investigashon sientífiko?” no ta obligatorio, kontrali na e 30 ponensianan di e Kompas pa Vota. Na fin, e pregunta “Entretantu nos por hasi bo algun pregunta mas ?” no ta obligatorio.
Despues di yena e Kompas pa Vota, ta presentá e panorama polítiko, punto di bista di e partidonan polítiko relashoná ku e 30 ponensianan i informashon tokante e partidonan. Na kualke momento votadó por klek riba logo di partido pa mas informashon.
Votadó ku no a risibí nan karchi di vota, òf a pèrdè e karchi, òf tin un karchi ku ta dañá /kirbá por pidi un karchi di vota nobo. Esaki ta posibel te ku djamars 28 di òktober 2025 12 or di mèrdia na Departamento di Asuntu Sivil na Kaya Neerlandia 40.
Djárason 29 di òktober 2025 votadó por bai vota na:
- Sociedad San Antonio de Padua (Kaya Rincon 66);
- Sentro di bario Nort’i Saliña (Kaya Cacique 9);
- Kompleho Deportivo J. Nicolaas (Kaya Amsterdam);
- Sentro di bario Amboina (Amboina);
- Jong Bonaire (Kaya Libertador Simon Bolivar 16);
- Sentro di bario Nikiboko (Kaya Pos di Amor 44); i
- Sentro di bario Tera Kòrá (Kaya Monseigneur Niewindt).
Dia di elekshon, urna ta habrí di 07:30 te 21:00 or.
Pa mas informashon tokante elekshon pa Parlamento Hulandes por wak riba wèpsait www.boneirutavota.com
