Entidat Públiko Boneiru ta anunsiá un ehersisio planiá di kombatimentu di kalamidat riba djaweps 25 di yanüari di 08:00 or pa 11:30 or. Durante e periodo akí habitantenan por ripará presensia di timnan di krísis i servisionan di ayudo den sierto áreanan. E presensia akí ta forma parti di e aktividatnan planiá i lo no tin mester di ta un motibu pa preokupashon.
Diferente instansia i servisio di ayudo di emergensia, entre otro nos Kompania di Awa i Elektrisidat Boneiru (WEB) lo partisipá na e ehersisio akí.
E ehersisio ta un parti esensial di e programa anual di ehersisio, intenshoná pa fortifiká e estado di ta kla pará pa aktua i di reakshon di e servisionan di emergensia.
E organisashon di krísis ta enfatisá ku durante e ehersisio aki e aspirashon ta pa minimalisá eventual molèster pa e habitantenan. Ta importante pa sa ku e ehersisio lo no tin influensia riba e dunamentu normal di servisio; esaki lo por kontinuá sin ningun interupshon pa tur partido enbolbí.
Habitantenan i empresanan lo no eksperensiá molèster di e ehersisio akí.
