Boneiru ke bira ménos dependiente di importashon pa loke ta trata produkto fresku. Pa e motibu akí ta stimulá agrikultura, krio di bestia i peska lokal. Den e edishon nobo di e revista Bon Biní Bonaire, un edishon di gabinete di Gezaghèber, ta tira lus riba dos inisiativa ku ta kontribuí na outosufisiensia di nos isla.
E fábrika chikitu di te orgániko ku e boneriano Edson Frans a inisiá kuné komo un pasatempu, entre tantu a kuminsá bira un negoshi serio. Dentro di poko DailyFresh di e pareha Bob i Lauri Janssen ta tuma un ‘greenhouse’ yen di alto teknologia den uso pa a base di un sistema ekológiko será, kultivá bèrdura i kria piská.
Den e edishon akí ta duna atenshon tambe na e transishon deseá di turismo di masa pa turismo di kalidat. Direktor Miles Mercera di Tourism Corporation Bonaire ta enfatisá ku – banda di solo, laman i bich – nos isla tin hopi di ofresé na e turista aktivo tambe. Esaki sin mishi ku e echo ku ta invertí fuertemente tambe pa proveé nos bichnan ku fasilidatnan moderno, inkluso WiFi grátis. Tres empresario for di e sektor turístiko ta konta kon nan a surpasá e krísis di corona, pero awor nan ta mas okupá ku nunka. E miembro di Tweede Kamer Attje Kuiken ta deskribí dikon Boneiru a hòrta su kurason.
Ta para ketu tambe na e prohibishon di plèstik desechabel i e plan di invershon di e Kompania di Awa i Koriente di Boneiru (WEB NV) pa oumentá e partisipashon di koriente bèrdè di 25 pa 80%. ‘Naturalesa ta den sanger di e boneriano’, asina gezaghèber Edison Rijna a bisa su oudiensia na e IUCN World Conservation Congress na Marseille, segun e resúmen amplio di su spich.
Por download Bon Biní Bonaire aki.
