For di 5 di desèmber 2025 Entidat Públiko Boneiru (EPB) huntu ku Selibon ta pone baki grandi di shushi den diferente bario. Di e manera akí e habitantenan ta haña un lugá sentral i aksesibel pa depositá nan shushi di kas i shushi ku ta resultá riba kaya.
E meta: ménos dúmpmentu ilegal i bario mas limpi pa tur hende.
Ki dia e bakinan ta disponibel?
- 5 te ku 8 di desèmber
- 12 te ku 15 di desèmber
- 19 te ku 22 di desèmber
Kiko por i kiko no por bai den e bakinan di shushi grandi?
Loke sí ta pèrmití
- Muebel
- Kolchon
- Aparato bieu
- Artíkulo di uso den kas
- Sobrá di palu ku a usa na kas
- Kantidat chikitu di shushi di kurá
Loke no ta pèrmití
- Shushi di konstrukshon (semènt, piedra, mosaiko, tabla grandi, blòki, tera)
- Fèrf, thinner i otro produktonan kímiko
- Produkto di zeta
- Bateria di outo
- Asbèst òf otro material sospechoso
- Shushi médiko
- Kantidat grandi di bio-fertilisante
- Bòter di gas / Otro aparato ku ta kontené gas òf líkido bou di preshon
Pa e tiponan di shushi akí tin regla apart ku ta na vigor. Entregá nan na Selibon òf na e puntonan di rekolekshon korekto.
Na unda bo ta haña e bakinan di shushi grandi?
Nr. Bario Kaya / Sitio spesífiko
1 Rincon Banda di Stadion Antonio Trinidad
2 Tra’i Montaña Vèlt di bolas / vèlt di futbòl
3 Antriol Pabou Bario Den Tera / Kaminda Djabou
4 Antriol Pariba Parke Patun Saragoza
5 Amboina Sentro di Bario
6 Nikiboko Nort Sentro di Bario
7 Nikiboko Sùit Parke Lanlan Clarinda
8 Tera Kòrá Sentro di Bario
9 Nort’i Saliña Sentro di Bario
10 Belnem EEG Boulevard – tereno habrí
11 Hato Kaya Diamanta (banda di Curoil)
12 Playa Stadion di futbòl
Yamada na tur habitante
Un bario limpi ta importante pa nos salú, siguridat i habitabilidat. Pa e motibu akí Entidat Públiko Boneiru ta supliká tur habitante:
- Bin tira bo shushi den e baki grandi den bo bario.
- Tene bo kaya limpi i no tira shushi den naturalesa.
- Yuda prevení dùmpmentu ilegal i hala atenshon di otro riba esaki.
Huntu nos ta hasi Boneiru mas limpi i mas bunita pa nos mes i pa e generashonnan di futuro.
Bario Limpi — Nos bario, nos responsabilidat.
