Dia 13 di desèmber 2006 Nashonnan Uní a aprobá e ‘Tratado relashoná ku derechonan di personanan ku limitashon’ i nan a proklamá dia 3 di desèmber komo e dia internashonal pa personanan ku limitashon, Dia Mundial di Hende ku Limitashon’.
Internashonalmente ta selebrá e dia akí riba 3 di desèmber i e ta entre otro intenshoná komo enkurashamentu pa tene e diskushon tokante derecho di ser humano i derecho igual pa hende ku limitashon den komunidat riba agènda.
Na Boneiru tambe riba e dia akí ta dediká atenshon èkstra na e grupo di hende akí.
Kolegio Ehekutivo ta boga pa tur hende na Boneiru haña posibilidat pa por move i rekreá. Inkluso personanan ku limitashon.
Den kuadro di esaki ta kuminsá otro aña ku aktividat di moveshon i rekreashon pa personanan ku limitashon i pa hende grandi. Pa esaki ta bai hasi uso di materialnan i medionan spesial. Huntu ku profeshonalnan kapasitá ta stimulá personanan ku registrá pa e aktividatnan akí, pa rekreá i move. Miembronan di famia i hendenan ku boluntariamente ta duna kuido na e personanan akí (mantelzorg) tambe ta bon biní.
Ku e dia akí Kolegio Ehekutivo ke brinda personanan ku limitashon un dia dushi i plasentero i alabes enkurashá komunidat boneriano pa nan tambe kuminsá move pa e grupo di enfoke akí.
