Esnan ku a pèrdè trabou i entrada durante durante e pandemia di Covid-19 por bolbe haña kompensashon di Entidat Públiko Boneiru. Ta trata un kompensashon pa gastunan mensual di kas pa empleadonan ku a haña retiro durante e pandemia i empresarionan.
E kompensashon ta pa e periodo di aprel te ku yüni 2021. E kompensashon tin un mínimo di US$500,00 pa kas di famia pa luna. Den kalkulashon di e suma ta wak kiko e kas di famia falta pa luna pa por paga e gastunan mensual di kas.
Mester di Alivio? Yena e formulario di petishon riba https://bonairegov.com/pa/habitante/alivio. Por hasi petishon for di 11 di ougùstùs 2021 te ku 31 di ougùstùs 2021.
Por haña tur kondishon i informashon riba https://bonairegov.com/pa/habitante/alivio. Ora hasi petishon entregá formularionan kompletamente yená i firmá, huntu ku e aneksonan nesesario via e-mail na alivio@bonairegov.com.
Pasa na ofisina di Komunidat i Kuido na Kaya Neerlandia 41 di djaluna te ku djabièrnè di 08.00 or pa 11.00 or pa entregá e petishon i dokumentonan. Tene na kuenta ku no por prosesá e petishon si e no ta kompleto.
Pa preguntanan urgente i ayudo ku aplikashon por tuma kontakto ku direktorado Komunidat i Kuido na number di telefòn 715 2211.
