E organisashon di deporte Indebon a amplia e deportenan ku ta forma parti di su kompetensianan eskolar ku aquathlon i basketbòl 3x3. E aña akí pa promé biaha alumnonan di enseñansa avansá tambe ta partisipá na e kompetensianan. Mucha muhé di enseñansa avansá ta partisipá na futbòl di Cruyff Court i mucha hòmber di e tipo di enseñansa akí ta partisipá na basketbòl 3x3. E alumnonan di skol básiko ta partisipá na kompetensia di trèfbal, futbòl pa mucha muhé, atletismo, dam, ahedres, vòlibòl pa mucha hòmber, basketbòl 3x3 i aquathlon. E kompetensianan eskolar ta kuminsá riba djaluna 25 di sèptèmber 2023.
Alumnonan ku ke forma un tim pa partisipá, por mèldu nan mes serka e dosente di ehersisio físiko. Na skol e deportistanan hóben ta tende na unda e kompetensianan ta tuma lugá tramèrdia. E ganadónan lokal di e deportenan apart ta kompetí pa nos isla durante e kompetensianan interinsular na Boneiru den luna di febrüari 2023. E ora ei nan ta kompetí kontra e ganadónan di e skolnan di Aruba i Kòrsou.
Na aña 2022 mas òf ménos 300 alumno a partisipá na e kompetensianan eskolar na Boneiru. Espektativa ta ku e kantidat di partisipante ta mas haltu, awor ku alumnonan di enseñansa avansá tambe ta partisipá.
E promé kompetensia eskolar a tuma lugá na aña 1993. Den kuminsamentu tabata trata di futbòl, basketbòl i vòlibòl. Despues a amplia e kompetensia ku e deportenan atletismo, sòftbòl, landamentu, pinpòn i trèfbal. For di aña 2016 no tabatin kompetensia interinsular.
Teksto pa kompañá portrèt
Partispantenan na weganan eskolar den pasado. Djaluna 25 di sèptèmber weganan eskolar ta kuminsá na Boneiru. Portrèt: Indebon
